PROPOSAMEN DIDAKTIKO 6 |
GURE KONKLUSIOAK |
Helburua: Ikasleak ikasi eta pentsatu duenari buruz sintesi bat egitea, eta taldeka Eusko Legebiltzarrari buruzko Dossier bat prestatzea. |
Aurreikusitako ekintzak: 1.-Ikasitakoa laburtu. 2.-Ordenatu. 3.-Txostena egin. 4.-Zabaldu.
|
DBH-ko lehen ziklorako ekintza aproposenak: Guztiak |
DBH-ko bigarren ziklorako ekintza aproposenak: Guztiak |
Ekintza 6.1: Ikasitakoa laburtu.
Taldeka, ikasleek prozesu osoan zehar ikasitakoari buruzko fitxak egin.
Fitxan jasoko dira: kontzeptuak, hitzak, baliozko informazioa, eztabaidak, etab.
Ekintza 6.2: Ordenatu
Informazio guztia bildu ondoren, ordenatzeko irizpideak ezarriko ditugu:
1.-Kontzeptu eta idei nagusiak.
2.-Datu eskuragarriak.
3.-Idei polemikoak.
4.-Hiritarrak eta Legebiltzarra. Eusko Legebiltzarraren balio eta funtzionamenduari buruzko jarrera ezberdinak.
5.-Eusko Legebiltzarraren antolakuntza eta egitura.
6.-Legeak onesteko berezko prozedurak.
7.- Arartekoarekin harremanetan jartzeko bideak.
8.-Hiritar guztiek izan behar duten informazio nagusia.
Ekintza 6.3: Txosten bat egin
Informazioa ordenatu ondoren, erabilgarria izan daitekeen informazioarekin txosten bat egingo dugu.
Fitxategi, liburuxka, koaderno edo beste edozein formatu izan dezake txostenak.
Ekintza 6.4: Zabaldu
· Taldeak ikastetxeko gainerako ikasleei egin duguna nola jakinarazi pentsatuko du.
· Erakusketa bat egin daiteke, bertan ideiak laburtzeko, lanak erakusteko eta informazioa eskaintzeko.
· Edo panelen bidez Eusko Legebiltzarrari buruzko azalpen-eskemak, marrazkiak, argazkiak, mapak etab. egin.
· Halaber, gaiari buruzko debate, zine-forum edo informazio saio bat egin daiteke.