4. PROPOSAMEN DIDAKTIKOA |
LABURPENA |
Proposamenaren helburua: Ikasleek banaka eta taldean hausnartutakoa eta izandako esperientziak laburtzea, eta Justiziako gida bat egitea.
|
Aurreikusitako jarduerak: 1.- Ikertutakoa laburtzea 2.- Antolatzea 3.- Dossierra egitea 4.- Zabaltzea |
DBHko lehen ziklorako jarduera egokienak:
Guztiak |
DBHko bigarren ziklorako jarduera egokienak:
Guztiak |
Ikasleek, taldeka, prozesu osoan zehar hausnartutakoa eta bildutako informazioa jasotzeko fitxak egingo dituzte. Laburpen honetan honako hauek sartuko dira: kontzeptuak, terminoak, informazio baliagarria, eztabaidak, etab.
Informazio guztia bildutakoan, antolatzeko irizpideak finkatuko dira ikasleekin, esaterako hauek:
1.- Kontzeptu eta ideia nagusiak.
2.- Eskura ditugun datuak.
3.- Ideia polemikoak.
4.- Herritarrak eta Justizia. Herritarren jarrerak, besteak beste, Justiziarenganako eta haren funtzionamenduarenganako konfiantzari buruzkoak.
5.- Justiziaren antolamendua.
6.- Justiziaren beraren prozedurak.
7.- Justiziarekin harremanak izateko prozedurak, egoera jakinetatik abiatuz.
8.- Herritar guztiek izan beharreko funtsezko informazioa.
Antolatutako informazioarekin dossierra egingo da, bildutako datu baliagarri guztiak jasotzen dituena. Dossierra, besteak beste, uztaidun koaderno, fitxategi, edo liburuxka formatuarekin egin daiteke.
· Ikasleei proposatuko zaie egindakoa ikastetxeko gainerakoen artean zabaltzea.
· Erakusketa egitea proposa dakieke, halaber, ideien laburpenak eta lanak erakusgai jartzeko, informazioa emateko, etab.
· Era berean, informazio-saioak, debateak, gaiari buruzko zineforuma, etab. egin ditzakete.